cyd-destun
Beth ydyn ni wedi’i ddysgu

Rhieni a theuluoedd

Mae ein timau’n gwrando ar rieni ledled y rhanbarth ac yn dysgu o werthusiadau gwasanaeth. Dyma grynodeb o’r hyn y mae teuluoedd yn ei ddisgwyl gan ein gwasanaethau.

Gofalwch ei fod am ddim. Ni allwn i ddod pe bai'n rhaid i ni dalu, ac mae'n rhaid ei fod yn arbed arian i wasanaethau eraill.

– Rhiant yn Sir Gaerfyrddin

Mae rhieni a theuluoedd eisiau:

  • Gwasanaethau ymatebol, personol yn seiliedig ar berthynas go iawn â gweithwyr proffesiynol
  • Gwybod gyda sicrwydd y bydd eu pryderon yn cael eu cymryd o ddifrif
  • Symud rhwng gweithwyr proffesiynol a gwasanaethau heb orfod ailadrodd eu stori bob tro
  • Gwasanaethau sy’n hawdd eu cyrchu, yn agos at gartref, ar adegau cyfleus
  • Gallu canfod yn hawdd pa wasanaethau sydd ar gael iddyn nhw
  • Cymorth gan gymheiriaid – y cyfle i gysylltu â rhieni eraill sy’n mynd trwy brofiadau tebyg
  • Cyrsiau a gweithgareddau sy’n meithrin eu gwybodaeth a’u hyder fel rhieni
  • Gwell gwybodaeth a chymorth ymarferol ynghylch anghenion dysgu ychwanegol, gan gynnwys wrth aros am ddiagnosis ffurfiol
  • Gwasanaethau sydd yn estyn allan tuag atynt, yn hytrach na gadael i deuluoedd ddod o hyd i wasanaethau eu hunain
  • Gweithgareddau sy’n croesawu tadau a phartneriaid, nid mamau yn unig

O safbwynt rhieni a theuluoedd, mae angen i weithwyr proffesiynol:

  • Hysbysebu a chyfathrebu’r ystod o wasanaethau sydd ar gael
  • Gwrando ac ymateb i’r hyn y mae rhieni yn ei ddweud, yn hytrach na gwneud rhagdybiaethau am yr hyn sydd ei angen ar deulu
  • Gwybod yn iawn pa gymorth sydd ar gael a rhannu’r wybodaeth honno â theuluoedd yn rhagweithiol
  • Cyfathrebu â’i gilydd, fel nad rhieni yw’r rhai sy’n gorfod trosglwyddo gwybodaeth rhwng gwasanaethau
  • Rhannu gwybodaeth yn hawdd ac yn ddiogel ar draws gwasanaethau, fel bod gan bawb sy’n gweithio gyda phlentyn y darlun llawn
  • Darparu cymorth wedi’i gynllunio ar gyfer tadau yn ogystal â mamau
  • Provide support designed for fathers as well as mothers

Gweithwyr proffesiynol y sector

Fe wnaethon ni ymgynghori â gweithwyr proffesiynol ar draws y tair sir — gan glywed gan bobl sy’n gweithio ar draws bydwreigiaeth, ymweliadau iechyd, therapi iaith a lleferydd, cymorth i deuluoedd, anghenion dysgu ychwanegol, addysg a’r trydydd sector, mewn rolau rheng flaen a rheoli.

Oherwydd bod rhieni eisoes wedi cwrdd â phawb trwy ymweliadau cartref neu alwadau ffôn, maen nhw'n gwybod y byddan nhw'n gweld wynebau cyfarwydd pan fyddant yn mynychu grwpiau. Mae'n eu helpu i deimlo ychydig yn fwy diogel a chael yr hyder i fynd

– Gweithiwr proffesiynol y Blynyddoedd Cynnar

Mae gweithwyr proffesiynol yn dweud wrthyn ni:

  • Pan fydd integreiddio yn gweithio, mae’n trawsnewid yr hyn y gall gweithwyr proffesiynol ei wneud i deuluoedd – a’r gefnogaeth mae staff yn teimlo maen nhw’n ei chael yn eu rolau
  • Mae gyda ni arfer rhagorol yn ein cynlluniau peilot, ond nid yw ar gael i deuluoedd yn gyson ar draws y rhanbarth hyd yn hyn
  • Mae gwasanaethau yn dal i amrywio gormod yn dibynnu ar ble mae teulu yn digwydd byw
  • Mae cyllid tymor byr, tameidiog yn ei gwneud hi’n anodd adeiladu a chadw timau da
  • Mae’r gwasanaeth Ymwelwyr Iechyd o dan bwysau sylweddol, ac mae hyn yn effeithio ar y system gyfan
  • Mae yna deuluoedd nad ydyn ni’n rhoi sylw iddyn nhw – yn enwedig yn ystod beichiogrwydd ac mewn ardaloedd mwy gwledig
  • Mae cyd-leoli timau yn gwneud gwahaniaeth mawr i ba mor dda mae gweithwyr proffesiynol yn cyfathrebu ac yn cydweithio yn anffurfiol
  • Ar hyn o bryd ni all systemau TG y GIG ac awdurdodau lleol rannu gwybodaeth â’i gilydd, sy’n creu bylchau a dyblygu
  • Nid yw’n ddigon hawdd o hyd i weithwyr proffesiynol wybod pa wasanaethau sy’n bodoli ar draws y system
  • Dylai teuluoedd ei chael hi’n haws rhoi adborth a helpu i lunio’r gwasanaethau maen nhw’n eu defnyddio
  • Mae angen i ni fuddsoddi mewn gweithwyr proffesiynol a sefydliadau y tu allan i’r sector cyhoeddus

Mae gweithwyr proffesiynol yn bryderus iawn am deuluoedd pan fo:

  • Anawsterau teuluol yn dod i’r wyneb yn ystod beichiogrwydd
  • Rhieni ag iechyd meddwl gwael
  • Pobl yn byw mewn sefyllfaoedd o wrthdaro a thrais
  • Plant ag anghenion lleferydd, iaith neu gyfathrebu
  • Plant ag anghenion dysgu ychwanegol
  • Angen help ar blant wrth symud o feithrinfeydd a gofal plant i’r ysgol

Hoffai gweithwyr proffesiynol weld dyfodol lle mae:

  • Ymweliad cartref wedi’i dargedu yn ffordd effeithiol o gefnogi teuluoedd
  • Cyfres o brosesau cyffredin y mae pob gweithiwr proffesiynol yn y rhanbarth yn eu defnyddio: gan gynnwys proses atgyfeirio gyffredin, offer asesu a throthwyon cyffredin, ac iaith gytunedig a ddefnyddir i ddisgrifio anghenion
  • Gwasanaethau yn cael eu cyfuno, fel nad oes ffiniau a rhwystrau i deuluoedd rhwng gwasanaethau
  • Teuluoedd yn gallu dod o hyd i wasanaethau y maen nhw eu hangen
  • Partneriaid yn cydnabod y gall gwahanol gymunedau ac aelodau gwahanol o’r teulu fod ag anghenion gwahanol
  • Partneriaid yn atebol ar y cyd – lle mae grŵp partneriaeth yn cymryd cyfrifoldeb arweiniol am gyflawni nodau mamolaeth a’r Blynyddoedd Cynnar
  • Canlyniadau’n cael eu monitro ar lefel unigol, ac ar lefel poblogaeth Hyfforddiant yn agored i bob gweithiwr proffesiynol
  • Timau’n cael eu cydleoli, gan sicrhau bod y cydweithio a’r rhannu gwybodaeth o ddydd i ddydd yn digwydd yn naturiol ac yn hawdd
  • Digon o gyllid ar gael yn y tymor hir i recriwtio, cadw a datblygu timau sefydlog
  • Cyswllt cyn-geni â theuluoedd yn rhan o’r system, fel bod perthnasoedd ar waith cyn i’r babi gyrraedd
  • Tadau a phartneriaid yn cael eu cynnwys yn weithredol mewn gwasanaethau, yn hytrach na meddwl amdanynt yn ddiweddarach
Skip to content